仙樂都婚後仍要旺桃花

仙樂都（吳堯堯，YoYo）去年十一月與圈外男友梁國鋒拉埋天窗，懷孕近六個月的她，日前為香港開電視拍攝賀年特輯，與主播馬梓軒一起選桃花。YoYo去年喜事連連，桃花爆棚，為何還要買桃花？她笑言：“我哋做藝人嘅，桃花、人緣唔會嫌多！而揀桃花，最緊要揀啲多花蕊，圓碌碌咁就靚啦，一開花就百花齊放，會好靚！”

YoYo成為人妻後，今年首次派利市，她坦言心情緊張：“因為之前我都係扌豆利市，人哋派嚟就收，而家就要學恭祝人哋，派利市出去，唔太習慣，哈哈！”YoYo不忘分享新婚生活，笑指不習慣被稱梁太：“依家人哋都係叫我YoYo，如果叫我梁太可能唔識應人，哈哈！”小孩出生後她會否是嚴母？她謂：“可能會啊！我覺得自己都係惡嘅，當然我都希望BB健健康康，同埋希望生嗰陣冇咁痛啦！”