又到尾禡團年飯

年年難過，疫情下今年仲難過。轉眼又將到尾禡，理髮店多會雙倍收費，大家或會趕尾禡前理髮。昔日尾禡習俗最怕見到無情雞，如老闆在用膳中，把雞頭對準某員工，即暗示想解僱對方。

現時仍有公司，會保留做尾禡及團年飯的習俗，但已甚少自行烹煮，改為外出食肆用餐，或選購近年流行的外賣盆菜。

以往每年未到歲晚，很多食肆已提前推出團年夜飯、發財春茗。公司大都預早留座，有安排設抽獎，以犒賞員工過去一年的辛勞。員工多年卅晚回家團年，所以由農曆年二十至年廿九，特別年廿八，食店都一席難求！

今年各行業在疫情下，業績可說是黃腫腳不消提。酒樓的大型宴會人數安排四百位以下，團年及春茗減少。食肆的朋友飯局或家庭聚會相對增加，同業反映市民消費與往年相若。

豬大哥去年身價高企，團年菜的發財好市大利（豬脷）、橫財就手（豬手），都貨源短缺；發財好市（蠔豉），韓國貨雖較平，但食店仍多以日本蠔豉為主，因口感質素較佳。

年近歲晚，賀年糕點如金磚年糕、瑤柱蘿蔔糕、臘味芋頭糕、紅棗糕、馬蹄糕等紛紛出場，各種包裝禮盒都設計別具匠心。唯筆者懷念原味“竹葉蔗糖年糕”，傳統年糕切片即食，或沾蛋液煎，都勾起大家的回憶！

普洱茶