昔日冬天車濕滯

現今座駕冇問題

北方落雪多蔽翳

電車續航或減低

新丁日前開車無反應，短訊告知天氣太冷難着車，一問之下，原來神經緊張，畀凍嚇親。

新丁座駕為keyless，即無匙啟動，只要電子鑰匙隨身帶，手按門挽可開車門，倘門未開，即冇電，到超市配粒電子可OK。由於天寒地凍影響其思路，第一時間以為凍親架車，致急急短訊求救，實則其曾換過電子，只是第二時間才諗起冇電。

以前舊式汽車，冬天開車撻唔着，不少人包括自己在內，撻車時還較重腳踩油門，結果適得其反，更難着車。聽昔日老師傅講，主要與變速齒輪潤滑有關。冷天引擎內機油流回下部機油底殼，引擎上半部處無機油潤滑狀態，發動一輪才將機油泵上引擎需潤滑的活塞、連杆、曲軸等部件。

引擎未達溫度前，供油系統因溫度低，無法有效將汽油完全氣化，呈液狀時，不容易燃燒發動引擎。要靠阻風門阻止部分空氣進汽缸，提高引擎轉速不致熄火。當達到正常溫度回復正常後，自動阻風門令機件恢復常態。昔日電單車開不着，有口痕友便教拉風，可能同一道理。

現今汽車經數十年改良，科技先進，解決冬天難着車問題，現已甚少車主煲車，就算有，相信是殘車。地球被破壞，澳門亞熱帶氣候受影響，冬天已無需穿大褸，最凍十度八度，唔似北方零下落雪，機件未熱身，開不着非罕見。

那麼，電動車冬天有否這問題？家中“化骨龍”未有反映，只是廠方近日要召回有瑕疵的須維修。內地則有人認為冬天難熬，主要憂慮續航，夏天穩定，冬天電動車續航減少，開車提心吊膽，充電又慢。

內地大多電動車用鋰電池，耐高溫，春夏無不妥，冬天電池活性下降，要給電池保溫，續航里程會縮短。汽油車冬天油耗也會增加，皆熱效能下降。

羅倫斯