暖在心頭煲仔飯

冬大人到，北風呼嘯，我都會想起暖笠笠的煲仔飯。打開煲蓋淋少許豬油及豉油，再焗一焗香氣四溢，還有煲底脆香的飯焦，使人啖啖暖在身。仲想起黃鱔飯、北菇田雞飯、豬膶排骨飯、鹹魚肉餅飯、臘腸蒸雞飯等。

令人垂涎的煲仔飯，過去是大牌檔熱買；現在除飯店酒樓外，茶餐廳和快餐店或都有推出供應。昔日煲仔飯在炭爐煲熟，再慢慢烘底，現因法例改變，食肆多改用石油氣爐烹製。

酒樓食肆對於豉油都很講究，由廚師調校。如灼蝦豉油、蒸魚豉油、煲仔飯豉油、腸粉豉油、煲湯用湯渣豉油、刺身用日本豉油，按菜式分門別類奉客。

臘味配煲仔飯，絕對匹配和相得益彰。廣東的臘味之前大致區分廣式、東莞、中山、香港和澳門，各自有風味。

食肆常見的臘味，如煲仔飯的臘腸、潤腸、臘肉、臘鴨；臘腸卷的粒腸；西洋菜南北杏陳腎煲豬踭湯的臘鴨腎；打邊爐必備的臘鴨腸等。酒樓在秋冬菜單中，多有合時的生炒臘味糯米飯；籠仔厴仔蟹蒸臘味糯米飯，亦是晚飯的絕佳菜式。

每年秋冬期間，市民多會選購一些臘味在家看門口。炭爐煲飯當然冶味兼暖胃，但電飯煲臘味飯，既方便又快捷。鍾情地道風味的你，每年秋風起，相信唔會錯過──食臘味吧！

普洱茶