陳婉婷轉投網紅行列

陳婉婷(Hebe) 日前聯同楊芷羚、電競KOL蔥蔥為直播平台拍攝廣告，眾人以Party Look造型上陣，順道補祝聖誕節。

Hebe透露因疫情初期收入大受影響，被逼轉投主播行列，佢眼濕濕地哭訴：“初時收入真係好差，係佢哋叫我唔好放棄，才撐到依家。依家做直播都可以維持生活，粉絲送禮物給我、再收分成。我記得有名粉絲得十二歲，我叫佢只係睇好啦，唔好充值，點知佢用晒利市錢送禮物畀我，最終被家人發現，禁止佢再玩喇。”

Hebe自爆本身係“電視精”，一直追睇《全民造星3》：“仲好鍾意CY，佢係我心目中那杯茶！比賽當中都有朋友參賽，其實佢哋真係好勇敢，我就冇咁膽量啦。”早前她亦為ViuTv拍攝綜藝節目，笑指為節目拍攝而瘦身：“因為我要做家務，過程中要落手落腳。拍完真係瘦晒，剛好今日拍廣告，可以靚啲上鏡囉。”