馮允謙希望明年結婚

馮允謙(Jay)日前接受娛樂新聞台節目專訪，大談推出新專輯的感受。對於今年成績理想，更被網民推舉成為男歌手三甲熱門人選，Jay說：“我冇諗過，從來壓力都係來自自己。我知道自己未必係別人眼中最成功的歌手，所以我就要更加努力再做好啲。好感恩依家所得到的，明年希望可以貪心啲，除了開演唱會外，仲希望可以中六合彩、與跟女友結婚。”

Jay成為今年香港唯一一位能夠推出兩張唱片的歌手，他說：“我自己都估唔到！今年因為疫情，好多公司都煞停出歌出碟的計劃。所以感謝公司幫我繼續造歌，年頭的唱片《Detour》反應好，所以馬上繼續造歌，唔想畀自己停。”

談到新歌《小康》，Jay說：“呢首歌係講屋企人，想送畀爸爸媽媽同嫲嫲，多謝佢哋。我寫呢首歌時，嫲嫲仲未離開，碟中版本佢未聽過，希望佢在上天聽到。我在加拿大時由嫲嫲湊大，日日在廚房煮飯時，我彈結他唱歌畀嫲嫲聽，佢成日讚我唱歌好聽，仲畀好多鼓勵我。所以每次聽到呢首歌都觸動到我心，特別係結他Solo，聽到時候會有好多同樣的回憶出現。”