李施嬅下月再赴加拍劇

李施嬅前日出席某食肆開幕剪綵活動，她透露是以朋友性質出席：“因食肆老闆曾投資我的單曲。”她說稍後會再推出另一首由她作曲的新歌，“雙方都有傾再合作。”

剛完成《金宵大廈2》拍攝的李施嬅，透露下月將飛加拿大繼續拍《Blood and Water》第三季，暫定年三十晚完成。適逢大年初一是她的農曆生日，她打算留在當地與媽咪一起度過：“媽咪在多倫多住，依家當地每日都過千宗確診，好擔心！會買定消毒用品，劇組都會做好安全措施，工作人員會戴口罩、面罩同眼罩，三重防護應該會安全的。”

對於近日有指無線為造就王浩信再奪視帝，抽起陳展鵬主演及唱主題曲的新劇《唐人街》的傳聞，施嬅表示：“應該唔會吧，花邊新聞而已。（浩信應該唔會再冧莊視帝？）唔係，佢演技好，有機會！大家都認同浩信演技，但商業立場就會捧另外一啲人。（合約問題？）我唔知喇。”