菊梓喬開拓兒童市場

菊梓喬(Hana)日前接受TVB娛樂新聞台節目專訪，大談推出全新大碟的感受。Hana說：“過去的唱片得九首歌，今次有十一首歌。其中有我創作的歌曲，仲有與林峰的合唱，首首都咁喜歡。”

Hana透露今次唱片封套是到韓國拍攝的，並大讚韓國團隊充滿能量：“佢哋由頭嗌到落尾，講嘢好大聲。可能因為拍攝時間好長，十幾個鐘內拍十套衫，而且要不停轉拍攝路徑，所以佢哋咁有能量的身體語言，帶給我好多能量及唔同方向。”

Hana透露目前除了音樂方面的工作外，亦開始開設網上頻道，分享她音樂以外的一面。她說：“想拍多些生活片段給大家睇，而且粉絲覺得我好靜，所以拍咗好多行山、煮飯、做運動及攀石的片段，還會同小朋友互動。（點解想同小朋友互動？）因為我發覺原來自己有好多小朋友粉絲，年齡層由一歲半到十幾歲都有。平時他們的媽媽會Inbox我，話小朋友識唱我的歌，仲背熟晒歌詞。我才發覺原來我都幾適合開拓兒童市場，我要向譚玉瑛姐姐請教心得。”