陳嘉桓大手入貨瘦面口罩

陳嘉桓日前與口罩博士（港大化學博士鄺士山）一齊做網上直播，推介香港優質口罩。期間口罩博士送給陳嘉桓“瘦面口罩”，嘉桓笑言將大手入貨，將口罩與時裝融為一體：“今日才知道有種口罩戴咗會令塊面睇落瘦啲！依家日日都要戴口罩，成為時裝一部分，所以會買定唔同顏色看門口，隨時可以襯戰衣出席活動。”

陳嘉桓表示受疫情影響，被迫推卻多部內地劇集，現時靠網絡直播維持生計：“本來計劃要拍幾部內地劇集，但係遲遲未通關，加上第四波疫情。冇得諗囉！損失幾多位數就唔好講喇，好在疫情期間都有做廣告代言幫補。依家咪拍短片、做直播，天無絕人之路，應該捱得過的！”

近日疫情反覆，Rose坦言出席晚宴期間都全程戴上口罩，亦不敢離席打招呼：“依家最難撲就係兒童版口罩，我呢日都要買些給細佬，最好揀唔同色，幫佢襯衫出街。”