鄭俊弘婚後感觸大

鄭俊弘(Fred) 日前接受娛樂節目專訪，大談推出新歌及新婚感受。Fred說：“今次呢首歌係非劇集歌曲，我的參與度比較高，搵咗相識多年好友Ever樂隊成員何家豪作曲。”

Fred透露新歌對他而言好有意義，所以想另一半何雁詩去聽錄音：“佢當日冇畀任何意見。其中有一句’多得有個人陪我走’，好似唱畀佢聽咁，我從來冇試過咁，所以都幾Sweet。”

談到新婚後有甚麼改變？Fred說：“之前已一齊住，相互好清楚生活習慣同節奏。最唔同係依家叫佢做老婆，初初有啲尷尬，不過依家越嗌越覺得自然。佢都有叫我做老公，但有時都講笑咁叫我衰佬。”Fred又說：“做人老公之後，學識同對方多講說話。因為我不嬲都內斂，唔太鍾意講自己感受，佢都話要學習聽人講多啲。所以唔係一結婚就可以成為好老公，婚姻同唱歌、彈結他一樣，係需要不斷練習。”