戴祖儀識食唔識煮

黎諾懿、戴祖儀、林盛斌、李家鼎及肥媽等昨日為《疫境廚神秋冬盛宴》節目錄影，諾懿笑言今次拍節目，最開心是認識了名廚“三姐”蕭秀香及張錦祥：“去他們的餐廳食飯不用排隊等位，食物都會好味些。”

諾懿透露邀請了一百名素人參賽者參與炮製由星級廚師指定的菜式，他亦會在節目中下廚：“我會煮四個菜，有蟹又有甜品。有個特別環節，係我要三分鐘內煮八位菜，記得我煮蔥爆蟶子時，爐火升到幾層樓高。當時我係想效果好睇，就比平時加多一殼油，所以爐火超勁，但我又要扮冇事，其實內心好驚，好驚燒到上面的機器。”

戴祖儀在節目中毋須下廚，只負責試食，她笑說：“係為大家生命着想，我今輯先學吓煮，下輯應該難逃一命。（你本身識唔識煮食？）識淥餃子。”諾懿就說：“幸福的女人才可以咁，我太太都係唔識煮食。”問到若另一半識下廚會否加分？祖儀笑說：“經過今次呢個節目，我都學到好多。識煮食當然會加分，但依家科技發達，叫外賣都得。”