陳木勝辭靈禮昨舉行

知名港產片導演陳木勝於上月廿三日因鼻喉癌離世，終年五十八歲。喪禮於昨日舉行。成龍、張家輝、郭富城、甄子丹、洪金寶、杜琪峰等前往送別陳木勝最後一程；張學友夫婦、鄭伊健夫婦及謝霆鋒等送上花牌致意。

張家輝與導演林超賢一同現身。久未露面的家輝戴了兩個口罩，身形消瘦了不少。洪金寶就撐住拐仗現身。神色哀傷的張家輝表示在亞視拍劇年代已認識陳木勝：“當時他做監製，給我的感覺是好乾淨、健康及有禮，尤其是他的白波鞋經常保持乾淨。多謝他為港產片拍咗咁多好作品，因為佢咁年輕就離開，我特別難過。就好似老品牌，見耐咗會有感情，依家好似好突然唔做又或者移民，呢個係冇得取代。”談到近年未有再跟陳木勝合作，可有覺遺憾？家輝強忍淚水答“係”，說時出現手震，並靜默了一會。

郭富城曾憑陳木勝執導的電影《三岔口》奪得台灣金馬影帝，昨日他送別故友後接受訪問。問他是否很傷心？城城說：“同導演陳木勝合作過的人都係佢好朋友，一定好難過、傷心，佢仲係我在電影上的伯樂，真係好唔捨得！”城城又透露陳木勝生前希望能拍一部音樂劇電影，不過就未落實。

洪金寶對陳木勝如此後生便離世感到好惋惜、好心痛。問到之前可知對方患病？他慨歎說：“完全唔知佢有病！佢過身前十日大家仲約飲茶，點知十日後就過身。 （對陳木勝印象如何？）佢係正人君子、好好先生，冇得頂。”