樂隊野佬自認愛演戲

樂隊Yellow！（野佬）日前接受J2音樂訪談節目專訪，談到樂隊大部分歌曲MV都“扮鬼扮馬”，主音小胡說：“隊員個個都鍾意演戲，但又冇人搵我哋做戲，唯有在自己MV裡面做戲啦。其實我哋有諗過做型啲歌曲，但唔知點解出來效果都係搞笑。以為阿康加入後可以提高隊Band顏值同型啲，點知佢都被我哋沾染咗。”

對於“野佬”被外界定為玩味重的樂隊，其音樂作品更具“情色”成分，成員阿銘說：“要追溯到與填詞人陳詠謙合作時期，係佢提議我哋唱呢類歌，佢話呢啲歌冇理由畀周柏豪唱。其實我就最驚青，初初有過擔心，不過其他成員就話我哋又唔係真係唱鹹濕歌，只不過係玩。估唔到出街之後，反應又好好。”