轟天雷季初要留意

距離新季開鑼大約兩星期時間，係時候開始介紹新季值得留意馬匹。其中最低分的二十分或以下馬匹，個人覺得有兩駒新季可反彈，其中一駒為現時只剩下九分的“轟天雷”。

如果以上季尾的表現計，此駒確實乏善可陳。因為經常在早段居後而末段收復失地，但對頭馬已無威脅。

不過考慮到此駒最佳路程為千八米草地，到上季尾跑此程經常要蝕分上陣，表現其實不算太差。結合前仗初出以三十二分贏馬，而上季則跑到第二仗以二十分勝出，可以預期今季評九分起步，季初已有留意價值。

在有新鮮感下此駒跑千五米亦合腳法。故此初出如跑六班千五米已有即食條件，勝出可在首本路程千八米謀取季內第二捷。