黎瑞恩演舞台劇暗戀馬仔

馬浚偉與黎瑞恩近日為於九月公演的舞台喜劇《男人四十 CEO》練歌及排舞，香港開電視節目主持馬梓軒直擊排練現場。正在合唱《甜蜜蜜》的馬仔與小恩子表現非常投入，馬仔還透露：“到時唱呢首歌押陣，我哋仲會跳舞！”

這齣舞台劇中，小恩子會暗戀馬仔，馬仔得戚地說：“直到有一刻，我發現身邊呢位好豬的朱秘書，其實有好可愛的時候。但突然殺出個程咬金，兜兜轉轉直到最後一幕，我哋才終於定情！”

劇中有不少爆笑場口，馬仔與小恩子對戲時亦忍不住笑，被問到會否擔心演出時也忍俊不禁？馬仔坦白地說：“我諗小恩子有機會囉，哈哈！”小恩子聞言即澄清說：“我應該會好專業的，你放心！”馬仔續謂：“小恩子未做過舞台劇，而我做過好多次！真係有演員會‘焗蟹’，明明想笑都死忍，搞到面都青埋！”

首度演舞台劇的小恩子很感謝馬仔悉心指導：“原來舞台劇有好多規矩要守！例如演出時台下有人嗌你，千祈唔好同對方打招呼！”馬仔笑說：“因為小恩子未做過舞台劇，所以排之前都專門同佢講了好多舞台基本用語同原理，佢係聰明人，好快明白！”