植詠珊難忘訪問葛民輝

香港開電視主播植詠珊(Cathy)及馬梓軒(William)日前齊齊返屯門重遊成長地，並分享童年回憶及工作點滴。

Cathy入行前任職空姐，然而她坦言那份工只做了半年：“當初想做空姐，係因為覺得好靚！但最後冇做，係因為我暈機浪，每次上機差唔多到派餐我都會嘔。機上個個同事好忙，唔好諗住有人得閒幫你，你淨係可以衝入廁所嘔，嘔完就出返去做嘢。”

入行後外出採訪經常接觸名人明星，被問及哪次採訪特別深刻？Cathy笑言：“呢個問題我諗咗幾日，最後我覺得係訪問葛民輝那次。因為成個訪問佢不停整蠱我，更加冇諗過我同阿葛的搞笑互動會被剪輯出街，哈哈！”

William就對去年有幸訪問劉德華及古天樂印象難忘：“我有時覺得做專訪就好似應付唔同程度的考試，訪問兩位影帝，就好似考公開試一樣，因為兩位前輩氣場好勁！記得訪問期間，緊張到腦海有一刻係空白，空白得越耐就越驚，所以點都要諗到一條問題問落去，真係好考驗臨場應變能力。”