高海寧支持前度打官司

高海寧（高Ling）前晚穿牛仔裝出席公益金慈善騷時，被追問失戀之事，她說：“心情OK！帖文係想簡單交代自己狀態。因為好多朋友關心我，唔想有太多揣測。（你所講的分手時間是否有出入？）從來冇交代過自己感情的事，現在只係想關心我的朋友放心。”

高Ling與音樂才子鄧智偉拍拖多年，日前爆出兩人其實早於去年一月分手，鄧智偉更自揭遭在夜總會結識的沈小姐滋擾，累及高Ling、家人與朋友。高Ling之前一直避談分手，只表示與鄧智偉是好友關係，但前日她上載一張黑白照，並留言暗示情已逝：“從來感情事都是低調處理，而今天只想為早已逝去的輕輕劃上句點……轉身是明白、是遺憾，駐足於美好，願各自安好。”

提到她在網上的發文是否有通知前男友？高Ling說：“有溝通的，我哋係朋友，佢發聲明都講得好清楚。因為涉及刑事，進入司法程序不便講太多，唔想影響身邊人，只想盡快平息。（騷擾到你身邊人？）已經交畀警方處理，唔想再講！（開始接受新戀情？）戀愛以外仲有好多事做，最近忙於拍劇，不過情緒多少受影響。亦擔心智偉情緒多啲，唔想件事再發酵，今次答完，我唔再答。（佢心情點呢？）作為朋友，係信任同支持，希望佢好啦！（有冇同你交代件事？）其實由頭到尾唔關我事，作為朋友畀到的就係支持。”