Dear Jane分享出新歌感受

樂隊Dear Jane早前接受TVB娛樂新聞台節目《StarTalk》主持人許文軒(Edmond)專訪，大談推出新歌《銀河修理員》感受。

Dear Jane成員Howie表示說：“對上一兩年，試咗好多唔同音樂類型，好似電子同懷舊歌曲，呢幾年儲咗好多情歌感覺同埋旋律，其中好想寫一首開心嘅情歌，以Tim為故事藍本，因為Tim同佢太太關係好好。佢哋呢個咁Sweet嘅愛情故事，其實唔會冇風浪，因為要兩個人互相填補先維繫到，首歌就係講呢樣嘢。”Tim即回應道：“我唱呢首歌好深感受，好似真係有經歷過一樣。”

談到歌曲MV選角時，Jackal說：“每次有MV選角大家就好雀躍，我哋幾個都有去睇Casting，Nice仲臨時拉伕同女演員對戲。我哋覺得好似有選香港小姐、香港先生盛事嘅感覺，一有人Send啲Casting嘅女仔相來，我哋就好多意見，好大反應，但一Send張男仔相出嚟大家就靜晒。”