岑麗香拍劇惡補粵語

岑麗香昨日為新劇《BB大晒》開工，她笑言很好耐冇講廣東話，開工前要花時間練一下：“在家湊仔時就一手抱BB，另一隻手拿劇本大聲朗讀，惡補廣東話的發音咬字和口形。”

首日開工有冇唔捨得囝囝？香香說：“一定掛住啦！當初決定再拍劇時，已跟家人商量過，身邊很多媽媽級朋友都支持我，趁未埋位前我又用視像電話看一下囝囝。”提議她可以帶囝囝一齊開工拍劇，香香笑說：“因為劇中的BB比我的囝囝大，所以我看劇本時可以先偷師攞吓貼士，學到很多湊BB知識。”香香表示希望囝囝長大後學講廣東話：“始終小朋友識多種語言有優勢。不過家中只有我識中文，老公的中文比我更差，都想唔到我會變成中文老師。”

被問同劇拍檔馬國明被傳介入唐詩詠與陳思銘戀情，香香表示冇留意報道，也不覺對方有異樣。