祖兒着高跟鞋增自信

法國“紅底鞋王” Christian Louboutin最近於法國巴黎鍍金門宮舉行歷來最大型展覽，容祖兒、張敬軒及關智斌(Kenny)作為香港代表，有份在展覽廳展出相片。

對於被選中登上國際性展覽，一向是該品牌捧場客的祖兒，謂高跟鞋可以給她自信，更笑說自己“要靚唔要命”，覺得愈高愈有自信：“高跟鞋可以展現一個人整體氣質，所以女仔唔可以隨便着鞋。我一向都好鍾意呢個品牌鞋款，設計好獨特，好似像藝術品一樣好有收藏價值，好開心可以成為佢展覽一部分。”

甚受時裝品牌歡迎的Kenny出席巴黎時裝周期間，亦穿上這牌子的鞋於法國街頭遊走。他說：“今次展覽張相係我上次在巴黎時裝周的街拍，我對時裝好感興趣，買鞋亦係會特別留意款式，冇諗過品牌會揀我張相放到呢個咁有紀念性、咁大型的展覽中，真係好開心。”