朱晨麗讚何廣沛有風度

“朱朱”朱晨麗一劇接一劇，在今日開播的民初劇《大醬園》中，唔單止撮合朱晨麗與何廣沛這對緋聞男女在劇中由冤家變成夫妻，還安排兩人一場瀑布出浴戲。

拍攝這場出浴戲，朱朱十分感激導演及工作人員：“我身後的瀑布好靚，但水流好急，如果唔小心跣倒或差錯腳就會好危險。導演同工作人員好有專業精神，為咗一個最靚鏡頭，完全不顧自身安全，好危險咁擒上擒落搵最靚角度。大家知道我唔識游水又唔熟水性，仲特登請咗一位救生員。拍攝時候救生員一直拉住我，驚我跣一跣就會被水沖走，正式開拍時才鬆手。呢場戲拍出來環境好靚好靚，好感謝大家的敬業精神。”

朱朱也很感謝何廣沛：“成個畫面好溫馨，我哋拍攝時需要鬧交，因為我唔鍾意佢。但一停機，佢即刻過來拖實我隻手、扶住我，好有男士風度。雖然當日係好凍，但感覺好溫暖。因為呢場戲係講沖涼，唔可以穿任何救生衣及救生用具，身上冇任何救生用品；工作人員同何廣沛都好細心，一停機就拖實我，驚我被水沖走。”