李靜儀不能接受當小三

Super Girls成員李靜儀(Heidi)早前接受無線娛樂新聞台節目《StarTalk》專訪，暢談單飛後推出新歌感受。

Heidi表示之前未想過會單飛及出歌：“一來冇信心，二來壓力好大，好怕獨自承受壓力，所以一直冇諗。但機緣巧合之下，今年再次推出個人時尚品牌，覺得係時候要接住這個機會。如果唔試，到將來老了，跳唔到唱唔到的時候，點可以着得靚靚出來表演給大家睇？”

談及愛情現狀，Heidi表示：“我是雙魚座，可以好狠心。試過對一個男仔有好感，但發覺對方已有女朋友，我便好決絕去疏離。不能接受做第三者，我覺得我與這個女仔會好慘。” Heidi亦覺得入行後較難找到對象：“因為這圈子好細，來來去去也是識同一班人，加上我不想與幕前人拍拖，希望唔好自打嘴巴！（試過跟幕前人拍拖？）冇！但試過被幕前人追求，不過全部都有女朋友，我沒有接受。（很易惹上這類情緣？）點解是我易惹？而不是說他們貪心走過來？現在我的擇偶條件是想要專一及高大的男生，好想有段轟轟烈烈的愛情。”