昔日泊車好輕鬆

如今違泊易檢控

交通規劃欠前瞻

積重難返搞唔掂

日前接讀者來信，反映一些駕駛者意見。

讀者認為，電單車與街頭泊位不成比例，由來已久，車主貪方便，多同一陋習，都想泊車門前，然停車場鐵騎位十個九空，懶得花錢泊入。

本澳公交欠理想，若做得好，路面便可減少負荷。

讀者還指車主應按實際情況買車，若無私人車位，遇到冇位泊，又埋怨政府。認同路面是用來行車，不是用來泊車。指當局規劃交通講就生猛，做就有心無力，徒嘆奈何。

讀者來信表達個人意見，目的希望改善交通。至於電單車泊車亂象，大抵係歷史問題。回溯至七十年代初，澳門人口卅零萬，車輛不多，很多車主隨街任泊。隨着歲月推移，社會略有發展，主幹道間有塞車，電單車便成寵兒。打從七九年內地開放改革，放寬新移民來澳，加上大批非法入境者獲發證件，小城人口有增無減，車輛與日俱增，但八十年代幾萬文一個汽車位亦少人問津，皆因街頭仍有泊位。無論前朝抑或回歸初期，當局缺乏前瞻，忽視全盤交通規劃，只規範高層大廈必須興建停車場。

回歸後曾爆沙士，市面蕭條，內地開放自由行打救，澳門經濟瞬間復甦。與此同時賭權開放，地盤遍地開花，外勞激增，逼爆巴士，各大型賭場落成後，發財巴充斥街頭。經濟高速發展，人口、旅客、車輛暴增，到處塞車，當局始料不及，年前才出手控車，惟已積重難返。

公交不濟，市區已無地興建大型停車場。旅遊城市不應車無位泊，亦不可能街頭猛增車位，這個死結若無高人拆解，或各方都不想孭責，見步行步，就只能引用粵語陳片奇哥經典句：“你冇錯，佢冇錯，係社會嘅錯”！

羅倫斯