“唐萬里”發配邊疆

《三代同糖》，苦澀味，今第五十集開始，“唐萬里”發配邊疆，調去吳旺達。吳若希從此消失《愛 · 回家》，指因收視每況愈下，老闆高層問責……。一定要有“人頭落地”，一個二、三線藝人，竟成了替死鬼，或替罪羔羊；劇集需千百人通力合作，吳若希罪責全部孭起，能瞑目嗎？

“有啲嘢，睇穿不能說穿。”、“呢個世界又冇話冇咗邊個唔得。”、“呢件事就係畀個教訓你，嘢唔好亂講……。”《三代同糖》第四十九集，吳若希被充軍吳旺達，對白句句有骨，暗示“屢被網媒批評演技誇張，又指吳若希網讚友台戲劇”欲加之罪，何患無辭……，高層都是足智多謀之輩，收集兩三篇網帖影評，“輿論”成了借刀殺人。“係輿論話你唔得，話你影衰收視！”千對萬對是“輿論”，高層也許含淚揮刀，廣大觀眾是對的，我愛你的，幫你的，“殺人兇手”成了好人……。岔開一筆，假如《同糖》收視大收，第一個領功的，不會是二、三線的吳若希，但會是誰呢？有幕後才有幕前。

在韓國放大假的吳若希回應：“生死以外無大事，我命由天不由我。我只會做好自己。我太鍾意返工，（幾時再回家？）等我唞順條氣先，之後，繼續鍾意返工。”

悲歡離合搬上熒幕，第四十九集，“唐心”李茵彤緊緊抱住“唐萬里”吳若希，哽咽難捨……“唐曹嘉冰”車婉婉深情擁抱，心疼打氣：“放心，你要好好照顧自己！”

“吳若希眞係好慘”，網民大讚告別戲：“一套劇唔好睇唔係佢錯，明明《三代同糖》講三個唔同年紀嘅女人，現在走一個，還叫《三代同糖》咩？不如叫《愛離家之三代徬徨》。走咗個大主角，不如就此大結局……。”

高 梁