張馳豪以佛系心態減壓

張馳豪(Aska)推出全新單曲《我開始看明呢下》，有別於年頭《一個人的生日歌》的哀傷，亦不同於《樂活道》的性感狂野，新歌曲風輕快鬆馳，有一種放開不再執着，照顧好自己才有氣力繼續探索前面的路。

《我開始看明呢下》由舒文監製，張馳豪回想起舒老闆在錄音時希望他以一個過來人的身份去唱，他說：“經歷過感情上、事業上、關係上的事情，之後睇明咗，明白到唔需要咁執着，將事情放到咁大。有啲事情喺當刻你會覺得好重要，但回頭睇返，其實只係你生命中嘅一個插曲。”

被問到如何演繹這種豁達的態度，張馳豪說：“雖然到依家每一次大型重要嘅演出，我都係仲會好緊張，但呢幾年嚟經歷過不同演出，依家會學識調節自己心態或者梳理自己嘅情緒。”他續說：“依家整體心態佛系啲，對事情嘅反應唔好咁大，遇到問題會去諗解決方法，抽離啲去睇事情，令自己思路清晰啲，唔會咁易內耗。”

今次MV是張馳豪的新嘗試，初嘗可愛的反差萌風格，他說：“MV故事係講我擺脫日常工作嘅枷鎖，去到異世界旅行遇到一個知心友，雖然佢個樣係一隻怪獸，但係佢帶住我探索世界的不同角落。最後去到沙灘嗰一幕就終於釋放，拋開晒所有壓力終於釋懷。”