今屆港姐冇眼睇

四大主持人戴眼罩，宣佈：今屆港姐冇眼睇！太靚了，老婆妒忌，特派眼罩，“我屋企煲靚湯滾瀉了……。”馬國明猶有餘悸。此港姐環節，新鮮而接地氣……。所有老婆都妒忌港姐太靚麼？

老婆大興問罪之師，“講！我靚，還是港姐靚？”一百個男人，有一百〇一個咬牙切齒，斬釘截鐵，說：“我個老婆最靚！”絕絕絕虛偽，大文豪說過，天下女人，都會有一個男人對她說，“妳是全世界最靚的。”是天賜良緣，共諧連理了。

聲言“冇眼睇”係敗筆亦可以成為神來之筆，四位男主持不妨眼罩擲地，哎，睇成晚都係我老婆最靚。老婆！我講得啱唔啱，對鏡頭飛吻，肉麻有趣，卻是真理——情人眼裡出西施。港姐，你是西施嗎？

港姐重頭戲：四朵黃花。八強汰去四強，寄予落敗者尊重，一枝花送行。新鮮意義深長。第一，全場眾多名門閨秀，得到紳士送花的，僅你哋四位，請鼓掌。第二，這枝含苞待放的花，代表你佳麗稍待時日，便會燦爛開放，等你。紳士拖着佳麗出列，祝你前程錦繡，後會有期。可惜，沒有紳士風度的，私私縮縮，不敢近身，竟然背後送花，睇到眼火爆……。

請拿出大丈夫護花的氣概來，半跪送花，聲明不是求婚，只是有幸此生第二次送花畀咁靚嘅女人。“記住，你似花嬌美，你似花動人，唔好放棄，繼續努力。”

好美麗的港姐啊，鬥志昂揚之際，突遭淘汰，惆悵之際，需要鼓勵，而不是諸多侮辱性的動作。演者無心，看者有意，誰敢拍心口說：“評判唔愛，我愛，挺起你驕人的胸膛。”敢問，點解六男主持，而唔係七友。

高 梁