盧瀚霆與粉絲亞博慶生

盧瀚霆(Anson Lo)前晚（七月五日）現身亞博出席後援會為他悉心準備的生日會，與神徒玩足全晚。大合照時，特地要求經理人花姐要多角度拍攝，務求好好記錄低與神徒們的每一個時刻。

兩場澳門站巡演，接連返港出席生日會，與神徒見足三日，盧瀚霆表示已完全充滿電。生日會上，盧瀚霆首次看到後援會籌備半年多的“快閃跳舞”影片，驚喜之餘，更即時拿出手機拍下影片，又讚大家變成舞王舞后，原來他亦曾構思與神徒一齊快閃跳舞。“幾年前我有同花姐講過，想做一個萬人Dance Challenge，但最後因為工作檔期擱置咗，希望將來有機會可以實行。”

盧瀚霆每年生日慣例都會祝福神徒生日，將自己的大日子變成神徒們的大日子，今年亦不例外。“好多謝大家仲係咁重視我嘅生日，我成日覺得我生日可以帶到開心畀大家。有嘉年華感覺之餘，自己覺得七月係最凝聚到所有神徒嘅一個月份，可以令到大家集結一齊去慶祝、為我應援。無論發生咩事都好，面對緊好與壞，但大家都會有同樣嘅目標，就是為我慶祝。好多謝你哋喺我出道嘅第八年，仲咁大規模為我慶生，各式各樣嘅付出，都令我自己覺得好重要、好窩心亦好感激。”