劉佩玥：我高大威猛冇人蝦到

劉佩玥、關嘉敏、倪嘉雯、莊子璇、宋宛穎、倪樂琳、俞可程、陳潔靈、羅天宇及劉展霆等，前日到電視城為慈善籌款節目《萬眾同心公益金》彩排。梁嘉琪早前接受HOY TV節目《九運會客室》訪問，大爆二○一二年拍攝無綫劇集《金枝慾孽貳》時，遭一名比她高大但年紀細的女星，在片場“指指點點”，幸得同劇的伍詠薇出手相助，視后龔嘉欣成為網民推測的嫌疑人之一。先後與龔嘉欣合作過的劉佩玥(Moon)、關嘉敏及倪嘉雯，被問龔嘉欣的為人，阿Moon說：“我睇唔到個訪問內容，但我生得高大又威猛，我都好難畀人蝦到，我又唔會蝦人，我唔知道其他人，其他人就唔知，我係喜怒形於色，如果畀人蝦我會喊。”

關嘉敏稱若被人蝦都會喊，都想試下被人蝦：“我拍劇通常都係蝦人，都想試吓畀人蝦，現實中我成日被人蝦，開工時都會畀人蝦，之前都有同阿Moon傾訴過，有啲演員私自加戲，但冇夾，有少少唔開心，但其實我覺得听啲都唔算，係冇溝通好啫，我覺得呢啲都唔算（蝦），因為我個樣比較兇惡，嚇到好多人，所以啲人都唔敢蝦我。”至於倪嘉雯在《香港探秘地圖》中經常與龔嘉欣一起拍攝，但沒有出現過上述情況，反而覺得對方很照顧後輩，有時更會幫自己執衫執頭，拍攝前又會提點，所以沒有遇過類似問題。