佘詩曼冇劇拍同阿媽旅行

佘詩曼前日抱恙出席環保活動，她表示聲帶發炎，笑言可能近日因太多慶祝生日飯局，蛋糕太甜所致。她謂難得今年生日不用開工，所以比往年多了生日飯局：“甜到無咗把聲。（收到最甜係咩禮物？）其實都唔係禮物，而係相聚時間，見到好多好耐冇見朋友。”她透露除吃生日飯外，也有攻打四方城有贏錢：“因為我唔係同肥仔（梁業）打，佢好犀利，一家贏三家，本宮身體抱恙，我要練習下先，要睇吓武林秘笈。”暫時未有劇開拍的阿佘，正計劃偕媽媽去旅行，會否再跟一班閨密外遊？她說：“唔知，或者surprise。（到時再着泳衣？）always ready。”

阿佘主演的舊作《無名天使3D》近日深夜重播，劇中她有水着場面，保養得宜的阿佘笑言若劇情需要，隨時可以再以泳裝拍戲。被重提當年與楊思琦不和，她說：“有人嘅地方就有是非，是非並唔代表事實嘅全部。”她表示未有收看重播，但記得當年拍得好辛苦，但拍得好開心，好像完成了一個挑戰，開工前一個月接受訓練學打，拍攝時九成都是親身上陣，拍到周身傷，但完成到好高難度工作係好開心同有滿足感。問到現時仍做唔做得到，她坦言：“我諗要練吓，因為好多吊威吔。”