伍詠薇夥李凱賢主持《九運會客室》

伍詠薇、李凱賢(Brian)拍攝HOY節目《九運會客室》在網上大受歡迎，當中嘉賓爆料環節令人非常期待。伍詠薇說節目嘉賓以“中女”為主，充滿人生故事。

伍姑娘表示邀請嘉賓時，曾試過被人拒絕：“佢哋都會睇定啲嘅，依家佢哋知道咗我哋嘅內容，有啲朋友會打嚟話想上我嘅節目。依家訪問中女有返咁上下年紀，以前點樣捱呀，去到依家點樣成功，我希望好多香港嘅女人見到‘原來我都可以做我想做嘅嘢喎’Just do It！”

李凱賢笑指以為五十歲以上才稱為“中女”，笑指拍檔伍姑娘做“阿嬋”級主持：“我當然知伍詠薇小姐係邊個啦，咁第一次接觸，我Feel到佢個人真係Nice嘅，即係有時可能啲動作比較癲咗少少，一路做慢慢夾。”他表示最難忘與羅霖訪問：“羅霖係其中一個最鍾意嘅，佢真係好好！當年嘅《真情》首歌好似國歌咁，一聽到就要起身致敬。”

另外，有線寬頻首席內容官嚴嘉念表示正計劃開拍第二季，期望今年內添食：“依家網上播放足本係新興趨勢，佢同傳統嘅電視觀眾係兩批客群，變相網上好似‘第四個台’咁，加上網上審查冇咁嚴格。開拍新一季最緊要主持有期拍攝，期望今年內開工。”