“星BA”推出隊歌

高鈞賢熱愛籃球情不變

由聯合發起人老傑龍和潘美臻打造，高鈞賢任隊長、隊員包括：莊思敏、關楚耀、彭迪安、黎澤恩、譚傑明、唐嘉麟、陳柏曦、陳偉洪、呂熙、李興華、江梓瑋和陶大衛組成的香港明星籃球隊“星BA”，早前在佛山巿作賽時，已率先在球場演繹隊歌《Together we play》，成功炒熱氣氛。

香港明星籃球隊“星BA”隊歌《Together we play》，由內地製作人李毅杰作曲及填詞，已於五月二十六日正式派台。有份參與錄音的包括：高鈞賢、莊思敏、彭迪安、唐嘉麟(KT)、陳柏曦、陳偉洪、呂熙、李興華、江梓瑋和陶大衛。

向來熱愛籃球運動的高鈞賢，為打波雙腳都曾受過傷，所以當初收到隊歌Demo時，心情特別激動。他說：“我對籃球嘅熱愛同熱情，一直都冇改變，但係我真係冇諗過自己隊波可以擁有自己嘅主題曲。為咗呢首歌，我哋製作團隊同埋全隊，都付出咗好多心血。”講到跟隊友為新歌錄音，高鈞賢大讚氣氛相當好。高鈞賢最開心的是，歌曲連還未足一歲半的囡囡高子琳(Liona)都非常“欣賞”，囡囡每次聽到都會好興奮。

莊思敏認為“星BA”隊員各有各忙，能一起錄歌機會不容易，“球隊平時要集合一班藝人去打波，已經係好難得，今次再熱血啲，大家真係願意花時間去為球隊錄一隻歌。”非歌手出身的莊思敏，坦言錄音過程很新鮮。

彭迪安早前在內地為隊歌錄音，感覺氣氛相當好，重拾當年男團EO2時期的感覺，“其實真係好少機會喺內地錄音，今次個錄音室好大，兼且有好多藝人朋友一齊錄，真係好耐冇試過一班人咁錄歌。我仲係組合EO2時就多呢啲機會，但今次比起在EO2時更加多人，所以氣氛真係好好。”

唐嘉麟開心有份參與“星BA”之餘，仲有機會和大家一齊唱球隊主題曲，“雖然我唔識唱歌，所以我就發揮我嘅創作能力，加咗段Rap上去，希望大家會鍾意。”陳柏曦好開心歌曲正式派台。

呂熙最初聽到隊歌時，有種《男兒當入樽》的青春感覺，令本來因年紀和工作放棄了籃球的他，再重拾籃球夢，“依家練波時我有播住首歌，熱血嘅程度對我自己練波都有幫助。”