龔嘉欣墳場瞓覺唔識驚

黎耀祥、龔嘉欣、倪嘉雯、關嘉敏、莊思敏及孔德賢等，日前出席無線劇集《香港探秘地圖》宣傳活動。倪嘉雯、關嘉敏、羅雪妍、鄧伊婷與黃子桐大跳求姻緣狐仙舞，而莊思敏就以劇中盲婆造型現身，並以英文打小人，龔嘉欣則揚言要打戲中“老闆”黎耀祥，趴低任打的黎耀祥笑言像“滿青十大酷刑”。黎耀祥與龔嘉欣說未試過打小人，問到是否沒有小人要打，黎耀祥笑言：“希望啦，自己都唔在意有冇小人，都冇話要刻意化解。”龔嘉欣被問到她可需要打走渣男，她則說：“唔需要，唔使去到咁仇恨，我好放得低。”

談到拍攝期間的難忘事，龔嘉欣說人生第一次在墳場瞓覺：“有一日自駕去西貢的墳場拍攝，去到現場一個人都唔見，初時以為自己被整蠱，於是致電劇組，原來劇組要遲啲至到，但自己冇理由落山再上山，所以就選擇喺車上瞓覺，我有我瞓，佢哋有佢哋瞓，當時係黃昏，事後都有啲驚，聽到劇組車聲至敢睜開眼。”黎耀祥坦言曾聽過公司很多奇怪事，幸好自己未遇過。劇集播映了一星期，他們有留意觀眾反應不俗，因近年甚少這類劇種。龔嘉欣指早前在IG分享與黎耀祥及倪嘉雯拍的跳舞片，獲得過百萬點擊，網民指不應埋沒黎耀祥跳舞及扮嘢技能，他笑言自己是被逼的。