個唱台上感謝陳仕燊

柳應廷：冇佢冇今日嘅我

柳應廷(Jer)一連兩場《The Shade of Breathing Live 2026》演唱會圓滿落幕，前晚尾場吸引了多位藝人捧場。當中佘詩曼與麻雀友梁業（肥仔）排排坐，提到佘詩曼近日與吳君如、呂爵安(Edan)及肥仔攻打四方城慘敗，她笑言不再跟他們打麻雀、甚至要退出“麻雀”群組。肥仔建議可轉唱K，佘詩曼即指要肥仔請客因贏了她很多錢，在旁的許廷鏗取笑他們的群組活動很不健康。圈中捧場客還有蔡潔等，壓軸嘉賓Supper Moment的出現更令Jer當場爆喊！

Jer全晚賣力跳唱、還表演打太鼓及結他自彈自唱，又走近觀眾席與粉絲互動，氣氛高漲。不過當特別嘉賓樂隊Supper Moment登場合唱《幸福之歌》，唱畢Jer即失守灑淚，Supper Moment主音陳仕燊(Sunny)上前擁抱安慰。Jer哽咽道：“我學結他、夾Band都係因為佢哋，冇Supper Moment就冇今日嘅我。我記得有一次校園Show見到佢哋但冇打招呼，之後我哋演出正正就係翻唱佢哋嘅歌。等咗十幾年，終於可以同台合唱，我真係好開心！”

Sunny感嘆緣份奇妙，憶起十年前Show後接受訪問，當年採訪他們的正是Jer：“幾年後見到佢喺熒幕自彈自唱，今日佢已經擁有自己嘅個唱”。他更透露，今次音樂總監王雙駿見證了Jer、吳林峰與Supper Moment三個單位的成長；還自爆為Jer獻出人生首次打第一支開聲針：“今朝起身失咗聲，彩排後去打針，打喺屁股度，好痛！但我好珍惜呢個機會。”

安歌環節，Jer即興要求做和音的吳林峰自彈自唱新歌《愛情不是我強項》，打趣道：“佢呢兩日好囂張，經常問我緊唔緊張，依家就睇佢喺台度緊唔緊張！”合唱後Jer感觸說：“我和Sunny、吳林峰關係微妙，惺惺相惜。”演唱會兩度安歌，最後Jer以一曲《沙龍》作結，並叮囑攝影師多拍台下粉絲：“你哋每一位都係我嘅沙龍。”

Jer完Show後解釋落淚因由，他稱全因Supper Moment啟發他做歌手，之前兩次開Show邀請對方均因檔期告吹，今次終圓夢。他感謝Sunny忍痛打針，祝對方早日康復。這次只開兩場，Jer直言唔夠喉，透露正與公司研究舉辦巡迴個唱：“我好想做海外巡唱。”至於兩晚分別獲視后佘詩曼及女神林熙蕾等撐場，Jer非常高興，得知佘詩曼打麻雀輸錢，他笑謂：“我好耐冇同佢打，讓咗個位畀肥仔，下次我輸返畀佢啦！”