梁煒謙難忘Beyond聖地錄音

梁煒謙（表弟，Vince）今年推出首支單曲《無可救藥的戀愛腦》，已於五月二十日正式派台。選擇在“520”這個日子，因它已成為“我愛你”的代名詞，配合這首甜蜜情歌面世實在是絕配。

《無可救藥的戀愛腦》是梁煒謙第三首單曲，以富節奏感的曲風和熱戀期作題材，為這個初夏帶來一陣甜蜜戀愛滋味。表弟希望透過歌曲，可以帶給樂迷一份只有戀愛才獨有的甜蜜感覺，“本身有另一半嘅話，可以搵返另一半嘅熱情。”

今次錄音最難忘是，選擇在被喻為Beyond樂隊“聖地”的二樓後座錄音，“對於我呢個好嚮往上世紀八、九十年代樂壇嘅小樂迷嚟講，能夠喺前輩Beyond以往嘅錄音室製作歌曲，真係感到非常榮幸。”

講到《無可救藥的戀愛腦》這主題，梁煒謙坦承“戀愛腦”方面，也算是親身經歷，“當然我都有試過送女方返屋企時，會有‘離開兩步就想抱抱’嘅情況，但今次寫呢首歌嘅靈感，反而係見到學生情侶喺巴士難捨難離嘅情況，覺得真係好青春呀，滿眼都係對方，感覺超級可愛。”

談到MV女主角易映彤，梁煒謙表示早已在工作中認識易映彤，今次再度合作，有不少親蜜互動戲份，表弟坦承拍攝特別緊張。