楊千嬅主創IP深圳開店

楊千嬅主創全新IP“Am'miri”全球首個限定快閃店，前日清晨於深圳灣萬象城“出世”。千嬅笑住話：“我等咗咁多年，終於生咗個女，Torres有個妹啦！哈哈！”不過這次“生女”過程一點不簡單。本來活動安排下午舉行，但千嬅去到深圳後，活動場地告知預計大批歌迷及市民到場圍觀，擔心人潮太洶湧難控，臨時被要求改於早上八點半開始。千嬅笑話：“結果我係前一晚要凌晨五點半就起身化妝梳頭，真係生仔都冇咁早起身，哈哈，不過當年生仔，都係一早入醫院準備，所以成朝都有一個準備生個女嘅心情！”

千嬅透露這位“囡囡”Am'miri，原來是老公丁子高的意見：“其實成件事係丁生嘅idea，希望可以同大家分享生活理念。最終就一齊合作，做咗Am'miri出嚟，足足搞咗三年，今日面世真係好開心。”這個擁有淡紫色頭髮、精靈耳和純白翅膀的天使BB，象徵每個人內心嘅小朋友，溫柔守護初心。千嬅說：“希望Am'miri總會喺你最需要嘅時候出現，用溫柔治癒你。”開幕活動中，千嬅分享了“囡囡”嘅五大情緒特質——陪伴、愛、接納、包容、勇氣，而她個人就特別鍾意“勇氣”：“心口最緊要有個勇字，跌都唔使怕！”