楊樂文入圍釜山影展爭獎

男團MIRROR隊長楊樂文(Lokman)繼上月憑舞台劇《我推的男子》首度入圍《第34屆香港舞台劇獎》“最佳男主角（喜劇／鬧劇）”後，昨日再憑《存酒人》中“阿當”一角，入圍釜山國際電影節主辦的《2026全球OTT大獎》“最佳男配角獎”。他收到消息時難掩興奮，半開玩笑半認真的語氣分享：“可以喺一個咁大型、咁有指標性、咁國際化嘅舞台上面有呢個提名，真係好開心，係一個肯定，有‘爸爸媽媽，我得咗啦！’嗰種感覺。雖然只係提名，但係已經有呢個份量！”

他感謝《存酒人》所有台前幕後和公司：“多謝團隊努力建構咗阿當這個角色，呢套劇我真係拍得好開心，亦都喺裏面得到好多感受。同時間，見到呢個角色可以帶我去到咁遠，多謝阿當。”Lokman正會努力向公司爭取、期待可以到當地感受頒獎禮氣氛。接連獲得舞台劇男主角及OTT國際獎項提名，Lokman多謝宇宙送了一份充滿肯定的禮物：“最近有咁好嘅成績，舞台劇有提名，呢個角色又去到國際提名，係好好嘅一個里程碑，係我嘅自信心加強系列；等同在迷惘時，得到讚美和肯定的說話，係非常之好強嘅強心針、定心丸。”他希望之後會繼續有劇集、電影、舞台劇等多元化的演藝工作，令他成為更立體的演員，還預告會再出Solo。