楊思琦終於平反

擁值二千萬祖屋豪宅，三百萬定期存款，鼎爺遭到兩個仔泳漢、泳豪互爭孝順，聲聲要維護老父不受欺騙，爭要代管財產……。網站沸沸揚揚，突然爆出“楊思琦道歉區”——當年，被泳漢大罵“拜金”、“去食屎”、“披着羊皮的狼”。昔日正義爆棚網民，現在紛紛懺悔，還“思琦妹”一個沉冤得雪！

有冇乜嘢要講？出席母親節活動的楊思琦回應：“好多來自不同地方嘅網民留言話支持我，鼓勵和善意關心……。”

楊思琦乃屋邨港姐冠軍 ，與李泳豪相戀同居九年，被指“白食白住”終於支持不住，憤然離開李家，自尋生路……。

當年李家的關係，是否跟現時一樣？思琦非常有口德：“我唔方便評論太多。（你同泳漢熟唔熟？）停留在當年階段。（你以前同泳豪拍拖咁耐，你相唔相信佢講嘅說話？）呢件事上，寄語佢哋加油。”

當年已預料到有今次風波？“過去由佢過去，順其自然。（你有冇聽過兩兄弟嘅錄音聲帶？）我唔得閒聽。（佢哋以前同李家鼎講嘢都係咁粗聲粗氣？）大家都係局外人，我唔方便去講。”

你同泳豪分手後，有冇聯絡？思琦坦言：“各有各家庭，祝福大家各自安好。（認為今次風波點樣解決？）我哋係局外人，只能講兩個字：加油。”

君子絕交不出惡言，談到李家鼎近日消瘦不少，思琦望對方好好照顧自己，最重要身體健康。得悉施明去世，望其家人節哀順變。

終於得到平反。“已經十五年前嘅事，希望大家都向前看。”思琦最後一句：多謝大家支持！

高梁