加開終極尾場演唱會

鄭秀文為人情飛頭痛

《You & Mi 鄭秀文演唱會2026亞洲巡迴終點站－香港啟德主場館》，七月十日至十一日兩場門票，繼四月二十日優先訂票火速售罄後，到四月廿八日門票公開發售，反應同樣熱烈，門票全被秒殺。主辦機構寰亞娛樂日前宣佈加開七月十二日終極尾場，希望觀眾能夠把握最後機會，入場感受Sammi的舞台魅力。

Sammi感激地說：“上次四月廿八日我嘅啟德主場館門票公開發售，見到大家咁熱烈支持，呢個消息對我嚟講係相當鼓舞同振奮，希望加場，讓更多人睇到我哋呢個show嘅誠意、製作、同埋我嘅演出，因為我哋book場地嘅時間好有限，向前向後加都冇可能，只能夠加到呢一場。”七月十二日終極尾場門票，已於昨日早上十時公開發售，莫講話觀眾要校定鬧鐘搶飛，就連Sammi也為了撲飛而頭痛。

她說：“的確好多朋友搵我買飛，但我冇辦法滿足晒所有朋友，因為cut飛情況都好嚴重，始終座位有限，亦要預留門票公開發售，至於會唔會有睇massage恐懼症？咁又未至於，但事實票務情況係相當緊張，亦有好多朋友同歌迷留言話買唔到飛，見到佢哋好失望，希望加場門票公開發售嘅時候，大家可以好幸運、好順利買到飛啦！我唯一可以做，係應承大家，會盡力做好呢個show，我嘅第一次啟德演唱會，會全力以赴，同埋見到大家對呢個演唱會咁大力支持，畀咗好大嘅力量同好正面嘅鼓舞，我一定會做好自己。”

上月完成兩場吉隆坡站演唱會，Sammi展開了十天的休假，笑言每次回想與台下吉隆坡站觀眾互動的快樂，都有種令她“飄吓飄吓”的感覺，身體在休息，但思想上仍然亢奮。她說：“呢十日假期，我不斷有諗啟德show嘅細節同內容，因為完咗啟德，仲有好多工作要做，所以呢十日嘅小叉電非常重要，體力亦恢復得唔錯，最緊要係食咗好多自己好想食嘅嘢，例如肥膩同煎炸嘢，所以呢十日相當之享受。”