嘉賓輪流登場力撐

農夫紅館開騷笑翻觀眾

農夫二人組陸永與C君，上周五晚挾“全香港最好笑演唱會”之名，以出道廿年搞笑功力，為紅館七千名觀眾帶來一場笑聲不絕、高潮叠起，全晚氣氛由頭帶到尾，全場熱血沸騰，High到炸裂。演唱會重量級嘉賓輪番登場，除了唔少得的麥玲玲，還有張繼聰與Twins驚喜登場。

演唱會甫開場，農夫二人“只露個頭”從耕地佈置中現身，已引爆首個笑彈。陸永抵死笑言：“全香港最好笑嘅演唱會呀嘛，最好笑係呢度啦，你哋張飛咁平，我哋個升降台係升到呢度。”C君隨即接力自嘲：“其實係好事嚟，因為我下身唔係好好睇，我老婆都唔睇。”全場爆笑聲未落，二人隨“砰”一聲由升降台飛彈而出，氣氛瞬間被推上第一個高潮。

有農夫就當然少不了麥玲玲，玄學天后驚喜化身“Hip Hop Queen”。玲玲大師一升上台，全場瞬間進入狂歡狀態，掌聲、歡呼聲、尖叫聲交織成一首“人聲交響樂”，High爆全場！

演唱會中段農夫更重磅宣佈，二○二五年已成立公司“農作天下”，即場上演一場七千人參與的“剪彩開張儀式”。C君自豪笑稱：“呢間公司作為行業老字號，早喺二○二五年已經成立。”陸永加碼爆料：“成立短短九個月，公司佔地幾百呎，已經增設咗電動垃圾桶，佢仲識自己打包垃圾。”二人更笑指準備邀請古天樂、梁朝偉、周潤發簽約加盟，C君一本正經表示：“不過仲未去傾過。”全場即時笑到“噴飯”。隨後農夫落台帶領全場觀眾為新公司砌燒豬、剪彩，祝農作天下，風生水起，笑口常開！笑聲、掌聲、歡呼聲震天！

開張儀式後，“農作天下”宣佈十月會有新搞作，送畀所有結咗婚嘅人，由人妻集團呈獻，農夫x張繼聰“人夫集團”。張繼聰即以“人夫集團”身份驚喜現身，與農夫換上罕見西裝合唱《我連婚都夠膽結》。

農夫獻唱《學海無涯》時，Twins驚喜從舞台升出，與農夫合唱經典金曲《士多啤梨蘋果橙》，觀眾情緒瞬間“進入大癲”。陸永向剛新婚的阿Sa連聲恭喜，阿Sa笑住回應：“多謝多謝……我哋頭先喺台下面睇好high呀，好好笑。”二人又大讚阿嬌專程飛返香港撐場極有義氣，最後Twins衷心祝福：“農夫好嘢，繼續支持佢哋。”