郭富城任草蜢尾場騷嘉賓

草蜢出道四十周年紅館騷，七場演出日前圓滿結束，郭富城擔任尾場壓軸表演嘉賓。

“登六”壽星仔蘇志威，在台上收蔡一智和蔡一傑紅包，並分別與壽星仔咀嘴。原來紅包內是一張“樂悠咭”，蘇志威說：“我覺得我攞呢張‘樂悠咭’無愧，因為我哋係香港仔，三個喺屋村打出嚟嘅香港三人組合，為香港音樂圈四十年做咗好多嘢，我值得。”然後全場大合唱生日歌，蘇志威感動說：“好開心呢度有一萬二千人同我擺六十大壽，係個天畀我嘅恩賜！”

演唱會安歌環節，表演嘉賓城城與草蜢升上台，全場驚喜尖叫，他們跳唱《失戀》，默契十足。之後城城率領全場一齊講新口號和手勢：“聽我講，一齊企硬，撐草蜢”，非常爆笑。他們相識超過四十年，城城稱當晚一早到場在後台準備，聽到台上每首歌都熟悉，都是金曲。草蜢向城城送上水晶獎座，刻上“KING OF STAGE”，強調城城是他們心目中的舞台王者。之後他們跳唱《唱這歌》，還一齊做城城嘅招牌單腳企甫士，全場觀眾high爆。

演唱會結束，觀眾反應熱烈大嗌安歌不散場，草蜢再度上台即興加唱《歲月燃燒》。他們離場後歌迷繼續安歌，草蜢三度上台感謝歌迷支持。