張學友任草蜢嘉賓解“迷思”

草蜢紅館騷前晚舉行第六場，陳奕迅與太太徐濠縈、鄺美雲、馮允謙、黃淑蔓、車沅沅和劉浩龍等捧場，張學友擔任該場表演嘉賓。

張學友出場與草蜢合唱《暫停，開始過》，觀眾揮動手燈大合唱。蔡一智表示：“自從我哋師傅（梅艷芳）走咗，我哋視學友為長輩，有咩都會去問佢。”學友笑言：“我本來唔戴眼鏡上台嘅，草蜢好似食咗防腐劑，出場前台下啲人叫我最好戴返副眼鏡，遮吓啲皺紋、眼袋，睇起上嚟夾啲！”全場笑聲。

阿智指學友一直有個“迷思”，到底與草蜢誰是前輩？他說：“學友成日話我哋出道先，我反對，因為我哋參加完新秀之後，我參加十九區歌唱比賽唱學友嘅《造夢者》。”蘇志威又稱草蜢參加一九八五年新秀歌唱大賽，同年跟梅姐踏上紅館表演。學友則自爆一九八三年參加新秀但無入圍，翌年參加歌唱比賽並於一九八五年出唱片，所以“迷思”解開，四捨五入，學友是草蜢的“前輩”。

之後阿智表示有禮物送給學友，學友笑說：“我等咗好耐，上網睇到嘉賓有禮物。”是一支寫了“學友兄，你是我們唯一傳奇。智、威、傑上”的錦旗，學友笑言不可以掛在睡房，阿智說：“你掛住一個人就得啦。”學友說：“要入紙申請！”全場爆笑。