梁兆楹爆BB乳名“伍梁液”

將榮升母親的梁兆楹(Shirley)，日前親身到HOY派餅卡分享喜悅。已懷孕四個多月的她說今年一月為HOY拍賀年特輯打匹克球，甚至年宵擺檔搬貨時都未知道懷孕。她還分享老公伍富橋(Alvin)得悉時的心情：“我搵咗一塊BB匹克球拍暗示佢，但佢唔明，都係要直接講。佢喊得好犀利，斷斷續續喊咗幾個鐘，喊到我懷疑問佢，你係傷心定開心？跟住佢話，你傻口架？梗係開心啦。”

梁兆楹表示已準備好將為人母的心情：“我哋抱住順其自然嘅心態，其實一直都準備緊自己。（有冇感覺到身體變化？）講出嚟可能有啲乞人憎，但我一次都冇嘔過，除咗有啲眼瞓之外，真係一啲徵狀都冇。（講得男定女？）Alvin同屋企人都唔想知住，話要留揭盅嗰日。”

她透露BB預產期在十月，到時會擇日開刀，還和Alvin為BB改了很勁的乳名：“因為佢姓伍，我姓梁，所以叫伍梁液。”

梁兆楹還說家中三隻愛犬，其中一隻在她知道自己懷孕前已感應到：“有隻西摩，Alvin掂一掂我都會吠佢。瞓覺佢瞓喺自己嘅範圍，但嗰陣我一上床佢就擋喺我哋中間，唔畀Alvin埋嚟。”