曾展望浸浴驚朱敏瀚埋身

朱敏瀚、曾展望(GM)在昨晚播出的《試真D》，二人先後潛入梅州湯坑鎮的街坊Feel溫泉老店，及新落成靚裝溫泉酒店，體驗地道“湯泉之鄕”魅力。二人率先試浸自明朝已開業的溫泉老店，實測當日該店顧客雖然絡繹不絕、但網絡評分卻只有三點幾、評論亦只有十四則。當中最好笑的，除了有顧客直指溫泉有尿味、更有人指曾目擊顧客在溫泉洗衫洗鞋，兼且見到泉面有垃圾飄浮。由於內容實在太驚嚇，朱仔朗讀評語時一度爆笑至“紅都面晒”兼走音。雖然聽落咁劣，但二人依然“捨身”測試溫泉的水溫、水質、清澈度及氣味，更將傳聞有“尿味”的溫泉水直接擺近鼻認真聞了又聞，十分專業。

另一間於二五年才落成嘅靚裝溫泉酒店，內裏有大如水上樂園的溫泉，雖然朱仔與GM因為《試真D》變成老友，但要肉帛相見擠在一個私人溫泉中，二人明顯尷尬。朱仔紅住面笑言：“第一次浸住溫泉睇日落”，至於GM則於拍攝期間忍不住說了一句：“你隻大髀有啲埋”，嚇到朱仔連環狂Say Sorry。二人會合美儀姐繼續體驗“千奇百趣”美食，包括味道清新的木棉花宴、以及網絡評語毁譽參半、賣相打卡均屬一流的冰淇淋壽司。