女兒長大不願擁抱

吳彥祖心碎：唔敢想像佢拍拖

前日，吳彥祖、劉俊謙、王丹妮、魏浚笙及白只，到戲曲中心出席電影《寒戰1994》全球記者會，劉俊謙透露獲吳彥祖送贈親手設計的耳機，靚到不捨得用，王丹妮大讚被魏浚笙的“狠樣”嚇驚。

吳彥祖笑指前一日深圳舉行的全球首映禮上，周潤發、梁家輝及郭富城都表現很興奮，估不到他們這個年紀還可以那樣玩得，他自己亦好興奮，因完成此電影後，接近年半兩年沒有見到大家。

吳彥祖透露目前同時還要拍攝另一部電影，所以這次會逗留比較長時間，問到女兒可有向他投訴，吳彥祖笑指自己是“虎爸”，女兒反而好享受他不在家：“因為我比較嚴肅啲，（做醜人角色？）只是嚴肅啲啫，只係讀書方面有啲要求，但同我成長比較係差好遠，但佢係覺得我係比較惡嗰個。”

他又指女兒現時不會攬他，只會攬媽媽，令他很傷心，更為此落淚：“最傷心係佢八至九歲時，佢話唔叫我做Daddy，只叫Dad，但我很鍾意佢叫我Daddy，（當時發生了甚麼事？）冇呀，係佢覺得自己成長，所以唔再叫Daddy、Mammy，改用Dad、Mom，流咗一滴眼淚！”他說還未想像到將來女兒拍拖會怎樣，不會心痛，只是驚她不知會結識一個怎樣的人。

戲中吳彥祖飾演青年版蔡元祺，由於戲中有很多複雜的廣東話對白，在拍攝前用了兩、三個月去練習。飾演年輕版李文彬的劉俊謙，形容與吳彥祖一見如故，二人又有共同話題，默契很快便培養出來。他又大讚吳彥祖容易相處，令人舒服，又靚仔到令他“想咀埋去”。吳彥祖笑謂不介意被阿謙咀，又指二人同樣愛好設計、電影及會分享生活上的一些事情。

劉俊謙透露獲吳彥祖送上親自設計的耳機：“部耳機好靚，我唔捨得用，返屋企我會咀部耳機來表達我對佢嘅思念！”問到如何回禮，他說始終吳彥祖很耐未有返香港，所以他會多陪對方，並正計劃相約吃飯。他又指太太蔡思韵同樣喜歡吳彥祖，問到太太是否也想咀吳彥祖，他説：“佢係遠距離欣賞。（帶埋太太同吳彥祖飯聚？）太太正在外地工作，我自己獨食先！”吳彥祖即搞笑指劉俊謙本身就是一份大禮，約會只限他們二人，謝絕太太參與。劉俊謙聞言即時面紅。