泳兒自導自演新歌MV

泳兒(Vincy)日前推出全新廣東作品《散光》，繼續發揮她拿手的慘情歌功力。不過今次Vincy不止得唱，她還首次挑戰做MV導演，並且做埋女主角，導、演一手包辦。

《散光》由迪子作曲、黃偉文(Wyman)填詞、蘇道哲編曲及監製。泳兒親自解畫歌名《散光》的意思，喻愛情之盲目。她還透露今次同Wyman傾過，想擺啲關於自己入行二十年嘅感受入歌詞，歌名亦呼應泳兒以往的作品，同時巧妙扣連出道二十年的節點。

MV中，泳兒有喊爆情節，她透露這場喊戲“真材實料”：“真喊、爆喊，一take過！當日全日都有準備定情緒，喊之前都有飲少量酒幫助投入。”她又笑言：“因為我知道每次唱《純情有罪》都會喊，如果要拍爆喊嗰個鏡頭，係一定要唱呢隻歌，或者好Focus（專注）就係諗緊歌詞，所以應該都OK啩，我都喊到隻眼得番半隻。”