香港詞匠鄭國江

詞仙、詞聖，香港還有詞匠。幾十年當小學教師，作詞二千多首，“我爛做啫！”五月十五日至十七日，伊館舉行《鄭國江詞名一生紀念群星演唱會》慈善騷，天王巨星不問酬勞便答應參與……。

“阿Lam撞正廣州演唱會總練排，慈善騷答應他第一個上台，唱完即走；葉蒨文在廣州舞台等他。所以，觀眾要準時入場。”

鄭國江稱，鍾鎮濤忙拍戲，特別向劇組請假一天來支持；陳美齡也從日本回港參演。

“鄭老師不但寫詞人，且是樂壇不可或缺的推手。”好友區瑞強感言：“好似林志美，寫第一首就紅。鄧麗君都紅，未唱過廣東歌的她，寫了《漫步人生路》，即爆紅，鄭老師寫親都掂。”

被稱“詞匠”，鄭國江老師非常受落：“我係歌手嘅裁縫，落筆前，要先了解嗰位歌手的風格和特質，為佢度身訂造最合身‘衣服’（歌詞）……。我本身要教書，又有好多節目策劃，自己好忙；當我幫各位歌手寫詞，幾乎係零接觸。我講得唔好聽，連茶都冇請我飲一杯。但係，我每有作品展，他們無論甚麼情況，都會來撐場，令我好感激。”

陳百強、張國榮、翁靜晶合作的電影《喝采》，“我寫歌詞時叫《鼓舞》，係鼓勵女主角去做手術。哈，上畫時，佢哋要宣傳，改咗歌名《喝采》，佢去醫病，重要喝采，真係講笑……。”鄭國江老師交稿前一秒修改——去TVB交歌畀陳欣健，佢在一廠，我在二廠等，突然諗到，“將一聲聲嘆息，化作生命力”……。

後記：鄭國江“詞匠”稱號，實是詞中巨匠之簡稱，云云。

高梁