方力申首次街頭表演興奮

前日，方力申在炮台山進行他的首次Busking（街頭表演），依次序獻唱三首經典金曲包括《好心好報》、《大方》、《好好戀愛》，吸引了數十名粉絲專程捧場；他的好友劉浩龍與鄧建明，亦有特地到場支持他。

方力申說：“係我入行二十五年以嚟第一次，幾興奮，我有叫啲粉絲嚟支持吓，驚冇人嚟睇。我又叫咗杜德智嚟，佢幫我拍我首新歌《万刀甲》嘅MV，佢住隔籬街，會拎埋個鼓嚟。（你會唔會封返封利市畀佢？）佢畀利市我呀，佢表演慾好強。”

談到今日身穿粉紅色恤衫的造型，方力申表示：“呢件衫係之前喺名牌網大減價時買嘅，買咗唔啱着，畀咗太太，已經去咗佢衣櫃入面。但係我最近瘦咗幾斤，可以着得落呢件衫，結果都係我着先。（依家瘦咗幾多？）瘦咗十二、三磅，要再輕多十磅八磅，我仲未去到地獄式。自己最瘦輕嗰時比依家輕二十磅，身邊人以為我有病，減得太乾，無晒油水。今次係健康減，希望紅館騷可以露吓身手，露幾多就要睇狀態，呢啲要買飛入場睇Live嘅。到時睇下露胸肌定腹肌，兩樣都有就剪個洞畀啲粉絲扯。”方力申續表示演唱會加場當然開心，但也要跑數，已叫朋友買飛支持，大家都很支持他。