謝霆鋒已成企業家

周潤發多年前頒金像奬給謝霆鋒，拍其膊頭：後生仔，今後二十年，香港電影靠晒你！今日，謝霆鋒身份，被稱“成熟的企業家”——橫跨演藝、飲食、歌唱、商業……。應邀香港大學座談，與教授對話，探討多元化成功明星的心得……。

香港大學楊紫樺教授跟霆鋒對談，設有問答環節，讓現場同學提問：創作歌曲，與創作鋒味美食，有何分別？

“對我來講，寫歌的第一步，先收集音符。”霆鋒舉例：“準備一道菜的話，需要先收集食材，然後 一步步諗點樣搭配……。”

第二步，霆鋒解釋，確定想做甚麼風格或菜系。“煮嘢食的話，你會問自己，我想做福建菜或係泰菜？定係想做麻辣風味？”。

音樂方面，先揀邊種類型，想做Rock，定係做Heavy Metal，或Jazz？呢一步，決定個大方向。之後，從中再發揮，整個思維路徑係一脈相承。

特別提到歌曲《推倒重來》，有感而發——現今正處於文化、科技與人性的交匯點。AI發展速度，幾乎每個星期都有新突破，令所有事情都要“推倒重來。”。霆鋒觀察到，價値觀也正被挑戰。

“以前，大人教我哋要努力工作，努力讀書，才有美好的未來。但，現在有人話，工作，只修持其中一個Options（選項）；甚至未來可能根本冇工做，咁，我哋點解要咁努力工作？呢個就係價値觀被重新審視，改變嘅過程……。”

霆鋒自爆，十幾年前，已有“黐線”想法，曾營運電腦特效公司……。

（霆鋒天才抑白癡？ · 二之一）

高 梁