ToNick邀觀眾參與開騷拜神

闊別香港專場舞台超過兩年，人氣樂隊ToNick將於五月一日晩上舉行《Backyard Live: ToNick我是你的洗碗機》音樂會。ToNick四子更決定將演藝圈最神祕嘅“後台禁區”搬上台，邀請全場觀眾一齊參與“開騷拜神儀式”，將現場變成大型“自己人”屋企派對

自二○二四年九展演唱會後，ToNick雖然一直有喺各大音樂節見大家，但樂迷最恨嘅始終係近距離接觸。等咗兩年幾，呢班曾經滿腔熱血嘅“Band仔”，已經踏入人生新階段，由“憤怒”變做“愛惜”。今次演唱會主題《我是你的洗碗機》，正正係ToNick四位成員（恆仔、小龜、Ryan、晨曦）步入“成熟男”嘅心聲：“今次嘅主題係講男女關係，有好多人就算變到阿伯都唔識得同另一半相處，成日吵吵鬧鬧又或者不瞅不睬。點成熟地處理關係並不在於年紀，而係在於心態。到時入場睇吓我哋有乜分享啦。”

最令樂迷驚喜還是VIP門票福利，除咗有簽名海報同合照，仲會獲贈極具創意嘅小禮包（圍裙及抹手巾），最誇張嘅係竟然包含“拜神燒豬一客”，令唔少網民大嗌：“真係當正大家係自己人。”