松山羽場翻新用家讚

鍾意打羽毛球的波友又有新場地選擇，松山市政公園綜合廣場地面優化工程已經完成，重開六個羽毛球場供居民使用，不但外觀美化不少，且兼顧實用性，相對昔日的“荒廢空地”，確實精神好多。

根據市政署資料，是次優化工程面積約二千五百平方米，針對改善過往老化及明顯損耗的地面，翻新原有的六個羽毛球場，重新劃線及重舖合適物料。各大社交群組都對這個重新開放的休閒遊樂設施議論紛紛，有人大讚“靚過舊時好多，以前經過見到都唔想行入去，而家就算唔打波入去行下都OK。”亦有波友指出“靚唔靚都係其次，最重要係地面平整咗，做好咗防滑和疏水設計，唔會好似以前咁，一落完雨就積埋好多水氹。”

即使設施再好，都一定有可以持續優化的空間。有使用者提出增設多一些水機、擴充遮陰乘涼的地方等，希望當局積極考慮和研究真實用家的意見。不過有網民認為，室外羽毛球場必須要做好防風措施！是的，確實可以加裝一些屏風之類的東西，但完全做到室內場的效果，並不現實；其實選擇上松山打波，都係因為空氣好，做吓運動出身汗醒醒神，大風的話就小歇一會休息下，飲啖水欣賞一下風景。

賈大廚